睇下忍倒幾耐…
我尋晚又ｃｌｅａｒ左一支紅酒啦，過冇乜醉意，唔通有心事就難醉 Ｄ既咩！？
今日磅ｂｏｄｙ ｍｅａｓｕｒｍｅｎｔ，嘩…重左３磅幾，但脂肪％又冇多，我諗只係水腫卦，希望係啦，成日都冇乜心機返工，我個病幾時先好呀？
- Mar 20 Mon 2006 23:57
勁…
- Mar 20 Mon 2006 01:32
「 曾 經 有 人 令 我 傷 心 ， 我 也 曾 經 令 別 人 傷 心 。 」
- Mar 19 Sun 2006 19:05
測試
我想測試一下
如果任由你去傷害
你會捨得傷我有多深
我才不要看你對我會有多好
我要看你能對我有多壞
- Mar 19 Sun 2006 18:37
完了…
星期五又飲到好醉呀，其間佢問我係咪冇咁鐘意佢，我話係，其實唔係嫁，我成日都口不對心，因為我同佢之間成日大家估大家，其實好冇意思嫁，佢究竟係咪鐘意我呢，其實我都唔清楚，不過我就好鐘意佢囉！拖左好耐ｌｕ，都係咁，冇一齊倒，都唔知想點…唉！可能我講左Ｄ野令到佢唔開心，因為等二朝同佢搭車返工，問佢今晚陪唔陪我，佢擰頭，夜晚去左老尖飲野，佢冇打比我，係到我走先至揾倒佢，不過佢都唔肯陪我！究竟之前一晚我同佢講過Ｄ乜呢？我想放棄呀…好唔開心…是我的言語出了問題嗎？
- Mar 17 Fri 2006 03:09
^ ^媽媽去旅行呀
每曰一醉…尋晚去左唱歌，依然醉酒啦，飲酒唔醉點叫飲酒？
今朝又打的，不過同阿佛一齊，慳返唔少，嘻嘻…全日飄黎飄去等我今晚既目標，同佢講
ｃｏｕｒｓｅ，少Ｄ精力都唔得呀，由六點入房煎熬到九點幾，好彩ｏｋ咋，唔係就慘ｌｕ，夜晚同佢傾左個幾鐘電話，雖然有Ｄ無聊，不過以前未試過嫁！
- Mar 15 Wed 2006 01:50
呸．．．
今日發覺身邊原來太多人愛護自己．．．
開心了一下子～＊*
話說尋晚去打邊爐啦，咁我打的去嘛，落車前叫司機在轉角位的雙黃綫前停，諗住由前門乘電梯上去，架車啱啱叠住條雙黄綫少少之嘛，佢竟然話要在前一點停並叫我由中間的門口入，由於中間的門口是沒有電梯，並且當時又落雨兼且我是穿住對高踭鞋，以我懶懶既性格，無可能會屈服的，於是我話我一早叫你響雙黃綫前停，係你係都要我響前面落之嘛，而且咁夜都唔會有人抄牌嫁啦，之後佢仲要話你咁夜上去打邊爐，食得嗰少少咁咪好唔抵？於事我話就算我幾早去個胃都係裝咁多野，無關係的！頂佢個肺！我食幾多關佢乜事呀？真係比佢激死．．．咁既服務態度真係唔ｏｋ呀！臨訓前又ｃｌｅａｒ左半枝紅酒，我真係好鐘意飲酒，唔知點解，可能老豆遺傳，又可能唔想諗咁多卦！當然今朝我依然係打的返工啦，其實之前已經部署好有個客今日ｔｒｙ魔術手貼ｐａｄ， 並且預左佢係實會買的，如我所料，響房ｏｋ左萬六蚊，出到黎又比我見倒我條ｔｅａｍ既經理啱啱返黎，我心諗：唔通佢又想痴單？之前巳經試過無數咁多次嫁啦，我無單既時候又唔見佢有預埋我喎！而且之前一齊跟開Ｄ客，若果個客黎左，並且之前已經講好今次會買，佢會夾都唔同你夾亦唔會叫你，自己去結而且佢出埋單而冇打你名你都唔知嫁，邊有Ｄ人可以咁自私嫁？大家做既嘢一樣，都係為生意，唔駛咁囉！唔駛佢高我一級我就要怕左佢咩？成日叫你入房講ｃｏｕｒｓｅ，ｏｋ左又痴埋黎，餵埋比你食好唔好？
所以今次我無預佢喎！之後呀，佢仲要發我個減肥師脾氣呀！話點解個客咁有ｐｏｔｅｎｔｉａｌ，都唔同佢ｐｌａｎ一個ｔｏｐ ｓｌｉｍ可以收多Ｄ錢？咁個客其實只係想減下身水腫，若果講ｔｏｐｓｌｉｍ個成功率絕對係唔高ｌｏｒ，佢根本就係想刁難個減肥師，你估我唔知！
每天早上我們睜開眼睛時，都要告訴自己這是特別的一天。每一天，每一分鐘都是那麼可貴。
- Mar 13 Mon 2006 20:53
又一日
尋日ｓｕｎ，我極速起身，極速咁行，係行去打的，冇計．．．時間好趕～～～因為，我又醉酒啦，哈！唔知點解呢排飲酒飲到醉左都唔知，ｓａｔ我仲要醉住返工添，ｈｅ～雖然好過份，
但個ｆｅｅｌ真係好正，所以ｓａｔ晚唔敢再飲咁夜ｌｕ！
放左工，去左ｓｏｇｏ買嘢，同阿明食梗飯之際，我地見倒兩個貌似ｇａｔｓｂｙ頭既基佬坐左響我
地後面食飯喎，我地巳經忍唔住一路笑一路食飯，飲野嗰陣，唔知係咪個ｖｉｅｗ正呢，傾左好多野
，仲好似一ｄ都唔ｄｒｙ喎．．．又會咁嘅？！
返到ｈｏｍｅ，意猶未盡，再ｄｒｉｎｋ過，愈飲愈多！好快就ｃｌｅａｒ咗一枝紅酒嘞！！！
兩點幾正式起身，尋晚發左個夢，夢見我第一個男朋友，地點喺問米婆婆度，佢竟然向我懺悔呀‧‧‧哈～唔知佢而家生活點呢。。。食完早餐，去左郵局寄嘢，返到ｈｏｍｅ，又要準備去今晚既街街嘞！
我喜歡悠然自得的感覺。這種感覺，真的不常有。
是因為自己已放棄執著，或是已淡忘以往的種種？！
是因為自己已放棄執著，或是已淡忘以往的種種？！
